Ramush Haradinaj nuk do të jetë më kryetar i Aleancës për Ardhmërinë e Kosovës.
Pas mbledhjes së Këshillit të Përgjithshëm të AAK-së ai ka njoftuar se nuk do të kandidojë më për kryetar të kësaj partie. Ka thënë se janë tri arsye pse po largohet nga kjo pozitë.
“Procesi zgjedhor fillon nga 20 shkurti. Është risi ose ndryshim sepse nuk do të kandidoj për kryetar të Aleancës në këto zgjedhje të brendshme. I kam treguar edhe disa arsye, ua shpjegoj edhe ju. Një arsye është koha e gjatë, arsyeja e dytë është rezultati zgjedhor. Po ashtu është edhe besim që kam në kuadrin e Aleancës”, ka thënë ai.
Kandidaturë për kryetar të kësaj partie ka shpallur Ardian Gjini.
