Sirena për sulme ajrore dhe shpërthime u dëgjuan në orët e para të së shtunës në kryeqytetin e Venezuelës, Karakas.
Sipas raportimeve, një nga objektet e goditura ishte Fort Tiuna, kompleksi kryesor ushtarak i Venezuelës, ku ndodhen – ndër të tjera – Ministria e Mbrojtjes dhe Akademia Ushtarake.
Gjatë gjithë kësaj periudhe, Donald Trump e kishte lënë të hapur mundësinë e ndërhyrjes ushtarake kundër Karakasit për shkak të çështjes së drogës.
Në një intervistë me median shtetërore këtë javë, udhëheqësi venezuelian Nicolas Maduro hodhi poshtë pretendimet e Trump se qeveria e tij po ndihmon tregtinë globale të drogës, duke akuzuar Shtëpinë e Bardhë se ka shpikur një arsye për të sulmuar vendin e Amerikës së Jugut. Venezuela, tha ai, është gati të punojë me partnerët amerikanë për të luftuar tregtinë e drogës.
